Eid poetry

Updated : 15 July 2020

Eid poetry 

عید کا دن ہے اور میری یہ کوشش اور خواہش تھی کہ آپ تک کچھ مثبت، کچھ خوش کن الفاظ پہنچاؤں، پر یہ شاعر لوگ، یہ حساس لوگ مجال ہے جو خوشی کے لمحوں میں بھی خوش رہ پائیں۔

کوئی نہ کوئی غم انہیں بے حال کئے رکھتا ہے ۔

:بقول شخصے 

تو بتا اے دلِ بے تاب ، کہاں آتے ہیں

!!ہم کو خوش رہنے کے آداب کہاں آتے ہیں

تو آپ لوگوں سے گزارش ہے کہ آپ فلحال 

اس مواد سے ہی لطف اندوز ہوں ۔ ہرچند کہ تھوڑا آزردہ کرنے والا ہے۔ 

پریقین جانیے کافی معیاری ہے۔

تو چلیں آغاز کرتے ہیں ۔

Eid poetry collection :

Eid poetry 

ہٹا کر زلف چہرے سے نہ جانا شام کو چھت پر

کہیں کوئی عید نہ کر لے ابھی رمضان باقی ہے ۔ ۔ ۔

Kaheen koi eid na kr ly abhi ramzan baqi hy.


عید کا چاند تم نے دیکھ لیا
!چاند کی عید ہوگئی ہوگی


عید بھی منالیں گے 
یہ فرض بھی نبھالیں گے 
سعدیہ~


رسم دنیا ہے نبھالیتے ہیں 
عید آتی ہے منالیتے ہیں ۔ ۔ 
اتباف ابرک ~



ہر ایک درد کی شدت چھپائی جائے گی
عید تو عید ہے، آخر منائی جائے گی۔ ۔ ۔

Eid poetry 

!یہ جو اتنا خلوص لائے ہو

 اس کا اب میں آچار ڈالوں کیا؟

!ٹھیک ہے، عید ہے، مگر بھائی 

اب اداسی کو مار ڈالوں کیا؟

عابی مکھنوی~

Is udasi ko mar dalon kia : eid saeed

ہوئی عید سب نے پہنے طرب و خوشی کے جامے

نہ ہوا کہ ہم بھی بدلیں یہ لباس سوگواراں۔ ۔ ۔

میرتقی میر~

Turb u khoshi k jamay : eid mubarak

کہاں کی عید،کیسی عید، کیا عید ؟

یہ کیا گڑبڑ مچائی جارہی ہے؟ 

جون ایلیا ~

اب کے کیا عید مناوں میں

اس گھر کو آخر کیا سجاوں میں

گزرے ہیں کیا کیا الم ہجر کے

کوئی پوچھے تو کیا بتاوں میں

ہم ہارے ہوئے ہیں خود زندگی سے

کسی کو جینا کیا سکھاوں میں

اب تو وہ غم خوار بھی نہیں رہے پاس

کسی کو کیا داغ دل دکھاوں میں

میں خود سے نہ نبھا سکا زندگی بھر

خرم اور کسی سے کیا نبھاوں میں

خرم کاظمی~

حالانکہ بہت خاص۔۔۔۔۔۔۔۔۔۔۔۔۔۔۔ ہوتی ہیں 

مگر جانے کیوں؟ عیدیں اداس ہوتی ہیں 

New year poetry

Updated 5 Jan 2021

New year poetry in urdu :

گذشتہ سال کوئی مصلحت رہی ہوگی ۔ ۔ 

گذشتہ سال کے سکھ اب کے سال دے مولا۔ ۔ 

                                                                               

New year poetry 
~~~


یکم  ہے نیا سال ہے
دسمبر میں پوچھوں گا کیا حال ہے
امیر قزلباش ~

  ~~~       

  کسی کو سال نو کی کیا مبارک باد دی جائے 

.... کلینڈر کے بدلنے سے مقدر کب بدلتا ہے

~~~

عمر کا ایک اور سال گیا

وقت پھر ہم پہ خاک ڈال گیا

شکیل جمالی~

~~~

نہ کوئی رنج کا لمحہ کسی کے پاس آئے 

خدا کرے کہ نیا سال سب کو راس آئے 

ڈاکٹر فریاد  آذر~

~~~

مبارک مبارک نیا سال آیا

     خوشی کا سماں ساری دنیا پہ چھایا

 

    پلٹ سی گئی ہے زمانے کی کایا

    نیا سال آیا نیا سال آیا

اختر شیرانی~

~~~

جس حال میں تم رکھو وہی حال مبارک

 ! !ہم اہل محبت کو نیا سال مبارک

ہردل کو ہو منہ مانگی تمناؤں کا مثردہ 

! !ہر آنکھ کو من چاہے خدوخال مبارک

ہر پھیلی ہتھیلی کی دعاؤں کو دعائیں 

! !ہر پاؤں کو منزل کی طرف چال مبارک

           

New year wish

~~~

پھر نئے سال کی سرحد پہ کھڑے ہیں ہم لوگ

راکھ ہو جائے گا یہ سال بھی حیرت کیسی

~~~

سال بدلا ہے حال بھی بدلے گا 

.. رب یہ میرا زوال بھی بدلے گا

~~~

Motivational poetry

Updated : 20 March 2020

Motivational poetry in urdu 

What are you going to read in this article :
Motivational and inspirational poetry in urdu .
Actually I motivate myself with inspirational words of wise people or those who go through lots of difficulties and learn from them  , so I also want to get benefit from their wisdom .
Have a look on the collection of a poetry lover.

مستنصر حسین تارڑ کا کہنا ہے "پاؤں  گیلا کیے بغیر سمندر پار کیا جاسکتا ہے لیکن آنسو بہائے بغیر زندگی بسر نہیں کی جاسکتی" ۔ 

،واقع ایسا ہے جب آپ کسی معصوم بچے کی طرح اپنی کسی خواہش پہ نظریں جمائے بیٹھے ہوتے ہیں اور زندگی کسی رقیب رو سیاہ کی طرح کہتی ہے

، کیا کروہو یہاں چلو تلکو

(تلکو = کھسکو ، جاو یہاں سے)

جب ہزار کوشش اور جتن کے بعد بھی آپ کسی مقصد میں کامیاب نہ ہو سکیں ، تو آپ کیا کرتے ہیں جو آپ کو زندگی کے میدان میں پھر سے کمر باندھ کے جدوجہد کرنے کے لیے تیار کرتا ہے ۔ 

"اگر آپ مجھ سے پوچھیں تو میرا جواب ہوگا "لفظ

جی ہاں لفظوں میں بہت طاقت ہوتی ہے آپ جیسا سوچتے ہیں، جیسا پڑھتے ہیں،جیسی صحبت اختیار کرتےہیں ، ویسے ہی بن جاتےہیں ہیں ۔

تو آئیں کچھ مثبت سوچتے اور پڑھتے ہیں ۔

~~~~

پروں کو کھول ، زمانہ اڑان دیکھتا ہے
زمیں پہ بیٹھ کے کیا آسمان دیکھتا ہے ۔ ۔ ۔

Urdu motivational poetry 

~~~~

ہے تبسم ہمارے لب پہ ابھی
ہم کہاں زندگی سے ہارے ہیں 

~~~~

سورج کجا نحیف سا  تارا نھیں ھوں میں

  لیکن سیاہ رات سےھارا نھیں ھوں میں

~~~~


انہیں یہ ضد ہے کہ چمن پر مسلط رہے گی خزاں

ہمیں یہ جنوں ہے کہ بہار لاکے  چھوڑیں گے 

~~~~

پچھلی رات کے پاگل پن سے باہر آ کے سوچ رہا ہوں
کھڑکی کھولی جا سکتی تھی
کمرا روشنی ہو سکتا تھا

~~~~

ہر مصیبت کا دیا ایک تبسم سے جواب

اسطرح گردش دوراں کو رُلایا  میں نے  

urdu poetry 

~~~~

آسانیوں سے پوچھ نہ منزل کا راستہ

اپنے سفر میں راہ کے پتھر تلاش کر

ذرے سے کائنات کی تفسیر پوچھ لے

قطرے کی وسعتوں میں سمندر تلاش کر

~~~~

شرط ہے صرف کوشش پیہم
پھر وہ جو رب ذوالجلال کرے

~~~~

شہ زور اپنے زور میں گرتا ہے مثل برگ

وہ طفل کیا گرے گا جو گھٹنوں کے بل چلے 

~~~~

رات دن گردش میں ہیں سات آسماں

ہورہے گا کچھ نہ کچھ گھبرائیں کیا  

~مرزا غالب 

Motivational poetry 

~~~~

لوگ کہتے ہیں بدلتا ہے زمانہ سب کو

مرد وہ ہے جو زمانے کو بدل دیتے ہیں 

~اکبر الہ آبادی

Motivational poetry of Akbar Alla Abadi

~~~~

صداقت ہو ہو تو دل سینوں سے کھچنے لگتے ہیں واعظ

حقیقت خود کو منوا لیتی ہے مانی نہیں جاتی

جگر مراد آبادی ~

~~~~

ٹھوکر سے میرا پاؤں تو زخمی ہوا ضرور

رستے میں جو کھڑا تھا ، وہ کہسار ہٹ گیا

شکیب جلالی ~

~~~~

شرط بس دل کا بدلنا ہے سمیع

دل بدلتا ہے تو ہر بات بدل جاتی ہے 

خانزادہ سمیع الواری~

~~~~

جو حرف حق تھا وہی جابجا کہا سو کہا

بلا سے شہر میں میرا لہو بہا سو بہا

شکست وفتح میرا مسئلہ نہیں ہے فراز

میں زندگی سے نبرد آزما رہا سورہا 

~فراز

~~~~

شکستگی میں بھی اک حوصلہ میسر ہے

خدا کا شکر ہے ہم کو خدا میسر ہے 

~ناصر بشیر

~~~~

راہ عمل میں جذبہ کامل ہو جس کے ساتھ

خود اس کو ڈھونڈ لیتی ہے منزل کبھی کبھی

~~~~

وہ اور ہی تھے جو گردش دوراں سے ڈر گئے

ہم تو رقص کرنے والے ہیں خود زندگی کے ساتھ 

~~~~

Motivational poetry 

~~~~

اے دل نہ کر سیاہ اجالوں پہ تبصرے

مہنگے پڑیں گے وقت کی چالوں پہلے تبصرے 

ہمت اگر ہے تو منجدھار میں اتر 

ساحل سے کر نہ ڈوبنے والوں پہ تبصرے 

~ڈاکٹر قاسم جلال 

~~~~

خرد سے حل نہیں ہوتے مسائل

جنوں کو کام میں  لانا پڑےگا

~~~~

وہ مرد نہیں جو ڈر جائے حالات کے خونی منظر سے

جس دور میں جینا مشکل ہے اس دور میں جینا لازم ہے 

~~~~

یہ ہمیں خواب دیکھنے کا ہنر

مستقل جاگنے سے آیا ہے

~~~~

مکاں کے سارے دریچے کھلے رکھو محسن

نہ جانے کون سی جانب سے روشنی آئے

~~~~

جہان تازہ کی افکار تازہ سے ہے نمود

کہ سنگ و خشت سے ہوتے نہیں جہاں پیدا

~علامہ اقبال 

Motivational poetry of Allama Iqbal 

آپ بھی کمنٹ کے ذریعے اپنا طریقہ بتاسکتے ہیں جس کے ذریعے آپ خود کو حوصلہ دیتے ہیں ۔اور وہ کیا چیز ہے جوآپ کو زندگی کے میدان میں سرگرم رکھتی ہے؟

😊 شکریہ

Also read:

Badlo soch

Sayings about life

Last updated : 15 May 2019

Sayings about life /zindagi 

In this article you are going to read 

Urdu quotes  and poetry  about life : 

زندگی ایک  گورکھ دھندہ ہے ۔ جس کو آج تک کوئی بھی ٹھیک سے سمجھ نہیں پایا ۔ شعراء ، فلسفیوں،  اور ادیبوں  نے بہت کچھ کہا پھر بھی کچھ نہ کچھ تشنہ رہ جاتا ہے ۔ آئیں میں اور آپ مل کر اس کو سمجھنے کی کوشش کر تے ہیں ۔ ۔

Urdu poetry on life :

زندگی کیاھے عناصر میں ظہور ترتیب

  موت کیا ھے انہی اجزا کا پریشاں ہونا




زندگی کے سابقے لاحقے عجیب ہیں
زندگی کے رابطے ضابطے عجیب ہیں
راستے عجیب ہیں
زندگی کی چاہتیں، راحتیں عجیب ہیں
ساعتیں عجیب ہیں
عجیب ہیں یہ سلسلے خمار کے
 زندگی سے پیار کے
عجیب زندگی ہے یہ
کہ سابقے یا لاحقے، رابطے یا ضابطے
ساتھ ہوں نہ ہوں مگر آس ٹوٹتی نہیں
عجیب زندگی ہے یہ

شبہ طراز ~

Poetry on Life 

کہنے کو توزندگی تھی بہت مختصر مگر

کچھ یوں بسر ہوئی کہ خدا یاد آ گیا
خمار بارہ بنکوی~

زندگی نام ہے لمحوں کو 

اپنے انداز میں گنوانے کا

جون ایلیا ~

زندگی تجھ سے کسی طور نبھائی نہ گئی

مجھ سے دشمن ساتھ رویہ ہیں ہمیشہ رکھا

کم سے کم موت سے ایسی مجھے امید نہیں 

زندگی تو نے تو دھوکے پہ دیا ہے دھوکہ

ہم کو  ملی ہے زندگی ایسے کہ جس طرح

کوئی کسی کو قرض چکانے کا وقت دے 

 ظہیر مشتاق رانا~

وہ لوگ جن کو زندگی سے پیار تھا سلیم
وہ لوگ زندگی کی حراست میں مرگئے




زندگی کے پرچے کے
 سب سوال لازم ہیں ،سب سوال مشکل ہیں
بے نگاہ آنکھوں سے دیکھتا ہوں پرچے کو
بے خیال ہاتھوں سے
ان بنے سے لفظوں پر انگلیاں گھماتا  ہوں
حاشیے لگاتا ہوں
دائرے بناتا ہوں
یا سوال نامے کو دیکھتا ہی جاتا ہوں
زندگی کے پرچے کے
 سب سوالوں لازم ہیں ،سب سوالوں مشکل ہیں
امجد اسلام امجد~

Amjad Islam Amjad poetry on zindagi 

دیکھا ہے زندگی کو کچھ اتنے قریب سے
چہرے تمام لگنے لگے ہیں عجیب سے
ساحر لدھیانوی~




کون جیتا ہے زندگی اپنی
 ہر کسی پر کوئی مسلط ہے ۔ ۔ ۔

زندگی سے بھر گیا دل ، حسرتو
اب کہانی کیا بڑھانی  ، تخلیہ



زندگی کیاکسی مفلس کی قبا ہے جس میں
ہر گھڑی درد کے پیوند لگے جاتےہیں



بہت روئے زندگی کو سینے سے لگا کر
ذکر خدا کرتے تو شاید ولی ہوتے

غم زندگی سے فرار کیا، یہ سکون کیوں  یہ قرار کیا
غم زندگی بھی ہے زندگی، جو نہیں خوشی تو نہیں سہی
~ نصیر الدین نصیر



زندگی کے سلوک کیا کہیے
جس کو مرنا ہو ، زندگی سے ملے
خمار بارہ بنکوی~

دو دن کی زندگی تھی صدیوں کا تھا سفر
ہم کیا بڑے بڑوں کے قدم ڈگمگا گئے




زندگی کیسے بسر ہوگی کہ ہم کو تابش

صبر آتا ہے نہ آشفتہ سری آتی ہے ۔ ۔ ۔




زندگی ہم خرید بیٹھے تھے
قرض ہر سانس نے اتارا ہے

~اتباف ابرک

Urdu quotes and sayings  about life :

زندگی کا المیہ یہ نہیں ہے کہ یہ بہت جلدی ختم ہو جاتی ہے بلکہ زندگی کا اصل المیہ یہ ہے کہ ہم جینا بہت دیر سے سیکھتے ہیں ۔ ۔ ۔



انسان کی زندگی بھی پودوں جیسی ہوتی ہے ۔ کچھ کو پانی دینے کے لیے اللہ تعالٰی کسی کو راہ دکھاتا ہے، اور کسی کو جنگل کے پودوں کی طرح خود سنبھالتا ہے ۔

اتنے کم ہمت نہیں بنو،زندگی موت کے شکنجے میں دم توڑ نے لگے تو بھی شیر بن کے اس کی آنکھوں میں آنکھیں ڈال دو۔  

سمیرا حمید ~

sayings about life , Sumera Hameed's quote 

دنیا بھی عجب میلہ ہے ،کسی کے دم سے سلامت زندگی، کسی کے دم سے قیامت زندگی ۔

زندگی کی حقیقت سے بہت  سنجیدہ اور رنجیدہ نہیں ہوں ، ایک بات تو طے ہے آپ اس سے بھاگ نہیں سکتے ۔

خلیل جبران ~

،زندگی حد درجہ آسان ہو سکتی ہے
اگر آپ ڈھیٹ بن جائیں۔

زندگی جیتنے کے لئے تین سو ساٹھ داو آنے چاہیے ،ورنہ  صرف ایک ، انسان کو جینا آنا چاہئے، مر تو سب نے ہی جانا ہے۔ 

سمیرا حمید ~

sayings about life, Sumera Hameed's quote 

اگر تمہیں زندگی کی حقیقت معلوم ہو جائے توبیشک تم کوئی اور ساتھی نہیں چنو،  سوائے عشق حقیقی کے ۔ ۔ ۔ 

مولانا جلال دیں رومی~

نو میٹر واٹ زندگی آپ کو میدان جنگ میں سب سے آخر میں لے جا کر نہ کھڑا کر دے کھڑے ہو جائیں، بس گریں نہیں ۔

نو میٹر واٹ ۔ ۔ ۔

 کوئی ایک بھی دوست نہ ہو اور ہر طرف دشمن ہوں ،کھڑے رہیں،،، سب سے پیچھے۔ ۔ سب سے آخر میں ۔۔ روتے ہوئے ۔ ۔ سسکتے ہوئے ۔ ۔ غم زدہ اور ٹوٹے ہوئے۔ ۔

نو میٹر واٹ ۔ ۔ ۔

سمیرا حمید~